ლაზეროთერაპია ფიზიოთერაპიის ნაწილია. ექიმის დანიშნულების მიხედვით გამოიყენება მუდმივი ან იმპულსური რეჟიმით ლოკალურად ან სხეულის ფართო უბნებზე. ლაზერული თერაპიის ეფექტი გამოიხატება იმაში, რომ უჯრედების მიერ შთანთქმული სინათლის ენერგია იწვევს მნიშვნელოვან ბიოქიმიურ პროცესებს, რომლებიც აჩქარებს სისხლძარღვების რეგენერაციას, ზრდის ქსოვილების მიერ ჟანგბადის შეწოვას და ხელს უწყობს ჭრილობების დაჩქარებულ შეხორცებას. ზოგადად, ლაზეროთერაპიას აქვს ანთების საწინააღმდეგო, ბიოსტიმულატორული, ტკივილგამაყუჩებელი ეფექტი.
